Çün Eriştim Ben Cananın İzine

Çün eriştim ben cananın izine
Yüzüm sürdüm ayağının tozuna

Can tutuldu zülfünün tuzağına
Dil bend oldu kaşı ile gözüne

Gönül gözü sihrinden fehme vardı
Sabrı gitti korku düştü özüne

Aşıkı bin can ile kurban olur
Aferin bu şive ile nazına

Hak Taala ismini yad eyledi
Otuz iki hattı yazmış yüzüne

Yüzünde hem sözünde yirmi sekiz
Ol sebebden zahir oldu özüne

Rence deva derdine şifa bulur
Kim ki bu nüshayı alub yazına

Zi saadet zihi devlet mürüvvet
Vakıf ola o kim gire razına

Muhyeddin benliğim kayıdı benden
Hayalim düşeli şeksiz yüzüne