ŞAİRİN DEFTERİ / TAM METİN
La’lüne Hattuna Hatt Reyhânı Yazmışdur Temam
La’lüne hattuna hatt reyhânı yazmışdur temam
Hâl-i Hızr u çeşme-i hayvânı yazmışdur temâm
Bir şebistândur saçun etrâfına sebz ile hatt
Hâşiye idüp Nigâristânı yazmışdur temâm
Âferîn üstâdına ki devr-i câm-ı la’lüne
Dâstân-ı devr-i kavm-i cânî yazmışdur temâm
Kaşlarından iki bismillahı ser-meşk eyleyüp
Sûre-i Nemli hat-ı reyhânı yazmışdur temâm
Dilde ‘Âşık fikr-i hattun nakş kılmış gûyiyâ
Cevher-i ferd üstine Kur’ânı yazmışdur temâm
Aşık Çelebi
