Eyliyemem

Dili hahişker-i cah-i der-i şah eyliyemem
Yok yere ruy-i temenna-yi sipay eyliyemem

Halkdan gönlümün ol mertebedir vahşeti kim
Aksinı adem deyü mir'ate nigâh eyliyemem

Zur-i serleşker-i gam def'ine aklını var iken
Saye-i şişe-i sahbayi penah eyliyemem

Düşer ibram-i ahibba ile ya gafletle
Yoksa ben kasd ile tedbir-i günah eyliyemem

Nice def'eyleyeyim suz-i dili ey Nabî
Yari görsem dahi şerm eylerim ah eyliyemem