Dildeki Leşker-i Enduh Güzer Bilmezler

Dildeki leşker-i enduh güzer bilmezler
Sakinan-i harem-i aşk sefer bilmezler

Şekve hurşidruhan-i felek-i mahvetden
Der-i gamhanemizi zerre kader bilmezler

Gece gündüz arek u mey yürüsün mecliste
Mestler şanı ü seher şems ü kamer bilmezler

Dağ-i dil maye-i feryad yeter uşşaka
Andeliban-i mahabbet gül-i ter bilmezler

Ya hayal-i hat-i sebzin ya gül-i ruyündür
Alem-i dilde temaşa-yi diger bilmezler

Dili söyletrneğe besdir sükhan-i şirinin
Tutiyan-i kafes-i aşk şeker bilmezler

Nabiya şekvekeran-i adem-i niyl-i murad
Galiba girye-i şeb ah-i seher bilmezler