Gazel

Hüseynî lâ'lün içün ben kana boyanayum he mi?
Gözümün yaşı seyl olsun odına yanayum he mi?

Niçe bir kanaya gönlüm nigârâ leblerüniçün,
Hele şimdi ele girdi, lebünden kanayum he mi?

Ömür ben anı bilürem ki senünle geçe yârâ,
Tapundan ayru demleri ömürden sanayum he mi?

Nigârâ tavşan uyhusın virür câdû gözün bana;
Velî gamzelerün dürder ki ben uyanayum he mi?

Gönülde iki sevgü sığduğı yohdur bilür meğer,
Seni sevdi gönül candan begüm usanayum he mi?