Su

Su vadi-yi hayrette her seng ile cenk eyler
Deryasına vuslatta aheng-i peleng eyler

Su alçağa meyl eyler, hoş vast ile hoş söyler
Reftarına bak neyler, san şive-i leng eyler

Su havza kudum eyler, şevk ile hücum eyler
Hem nağme-i Rum eyler, hem raks-i Freng eyler

Su ayn-i necat olmuş, eşyaya hayat olmuş
Bel azb-i Furat olmuş, ol zevk-i neheng eyler

Su teşnesi her haste, olmuş ana dil beste
Uşşakına peyveste, hoş naz ü direng eyler

Su teşnesini bulsa, hoş berd ü selam olsa
Yangın yüreğe dolşa, ol nara ne reng eyler

Hakkı, su gibi gitsin, derya-yi dile yetsin
Koy bahr ile fahr etsin, barandan o ne reng eyler