Diyemezem Ki Meh Bu Rûya Benzer

Diyemezem ki meh bu rûya beñzer
Diyem mi kim gül-i hoœ-rûya beñzer

Dişüñe beñzeden pervîni kej dir
Hilâli dirse bu ebrûya beñzer

Diyen sehv idiben hâlüñe anber
Diye mi müşgi kim bu mûya beñzer

Gözümüñ yaşını kim bahr-ı hûndur
Gören nice diye kim cûya beñzer

Yüzüñde zülfüñi gören diyemez
Gül ü ûd işbu reng ü bûya beñzer

Melek kim fitneye uymadı uymaz
Senüñ gamzeñ göricek uya beñzer

Benefşe Ahmedî katında añılsa
Diyem mi hâşa bu gîsûya beñzer