Âgâz-ı Gazeliyyât 321

Beni germ-i temâşâ itdi bir şûh-ı hatt-âverde
Ki yâd-ı hattı âh eyler nigâhı dîde-i terde
Yine ruhsâr-ı yâra benzemez hüsn ü letâfetde
Gül-i hurşîd olursa gülşen-i cennetde perverde
Dür-i dendânınun vasfında yârun güft (u) gû sıgmaz
Şinâverlük belî mümkün degüldür âb-ı gevherde
Olurdum tâ ebed hoşnûd baht-ı tâ-be-sâmândan
Müyesser olsa vuslat bir nefes âgûş-ı dilberde
Girîbânın iderdüm vakf-ı mazlûmân-ı ‘aşk Âgâh
Düşerse destime dâmân-ı hicrân rûz-ı mahşerde