Âgâz-ı Gazeliyyât 181

Olalı dil o ser-i zülf-i girih-gîrde habs
Oldı gûyâ ki figân halka-i zencîrde habs
Eylemiş var ise bu sâkî-i nüh-peymâne
Bâde-i ‘ayşını meyhâne-i takdîrde habs
Kalmasa hâtır-ı sayyâd bir âh ile olur
Eylemek kuvvet-i pervâzı per-i tîrde habs
Nigeh-i ‘âşık mahcûb kalur çeşminde
Çün tebessüm dehen-i gonçe-i tasvîrde habs
Gör kazâ hükmüni kim ‘ukde-güşâluk Âgâh
Oldı çün reng-i hınâ nâhun-ı tedbîrde habs