Âgâz-ı Gazeliyyât 161

Dilde yârun gamı da zevk u safâdan kalmaz
‘Aşk vîrânesinün cugdı hümâdan kalmaz
Va‘de-i güzîne yârun oluruz dildâde
Teşneye mevc-i serâb âb-ı bekâdan kalmaz
Çok da herkesle hakîkatli bulunma cânâ
Bî-vefâlukda mahallende vefâdan kalmaz
Kâmet-i ham-şüde ârâyişidür pîrligün
Hîç bu kadd-ı dü-tâ zülf-i dü-tâdan kalmaz
Bâgda gayret-i akrânını bîdün severüm
Ne kadar bî-ber ise neşv ü nemâdan kalmaz
Varak-ı şi‘rimüz ahbâbun elinden düşmez
Fikr-i rengînimüz Âgâh hınâdan kalmaz